Anki媽一早已經想好要Anki夠歲數就試下興趣班!
而第一步想佢去跳下芭蕾舞,始終女仔想佢身型柔軟D!
到大D去學功夫都唔使咁辛苦!我自己想~
見佢差唔多可以上D學前班,因好多都無得陪上!
而Anki都比較痴身!見而定好似定D!我就去左試下堂!
有D要3歲!其實之前同佢上過一個月親子班!
但老實,我仲辛苦過佢!似媽咪學多D!
第一間佢環境真係唔錯!有個好大等候位!
最開心緊係可以係外面睇下個女上堂情況啦!
但可惜佢成日話唔夠人開BB班!
咁我都無法!等大D先轉啦!
一入去D梳化都幾靚!有好大舞室!
老師唔係有小小惡,但又攪得掂佢地!
而Anki頭頭入去好快錫個唔識小朋友一啖!
見佢地跟住做動作好過癮!
第二間唔知係咪個校長係出名芭蕾舞度教過!
感到佢地好專業同好傳統!價錢都係最貴!
而地方就差了!無等候位!要出走廊等!等個位只有3張小凳仔!
而且舞衣都比較無咁靚!可以係條隙仔偷望但要跪地!
見D舞步比前一間專業!如果到Anki 4 歲大佢有興趣!
呢間我最大機會會報,因比較上導師勁D!
一開始喊得好勁!老師氹了兩個字話佢已收聲!
呢間比前一間個個都好有愛心!真係有D想即報!
而呢日Anki因佢喊,所以老師吸左個公主印比佢!
呢個印真係玩死我!Anki唔肯去廁所!原因佢唔想洗手!
佢話驚洗掉!仲時不時望隻手好開心!
真係笑死我!佢已經愛上公主了!
第三間了!呢間係有舊同事個女女學習中!
見佢女有好多表演,都知係比較商業化!
但我又覺得呢間係公主D!有機會表演下等佢大膽D又無壞呀!
而第一日試堂未入去已經喊到唔入去!
不過一個字就收左聲!仲好開心出返來!
呢間野等候個位都一樣夠大!都多換衫位!
又近洗手間!老師同接待都幾好!而又有一星期兩堂!
報夠月份又有舞衣送!而私心佢件舞衣幾靚!
所以最後報呢間!
報完名試衫一出黎佢望住鏡!哇一聲就係咁照鏡!
之後佢都唔想除咁滯!
上面呢張相我覺得有小忌廉feel!
呢日正式上堂啦!佢心情表現出好緊張!
不過唔知係咪早起!問佢鍾唔鍾要跳舞佢話唔鍾意!
不過返屋企佢終於自己識點伸直腳掂腳尖!之前係會曲起!
希望來緊你都好有興趣學習啦!加油!
沒有留言:
張貼留言