都唔明點解成日都無時間打~
呢度真係唔會比到動力人去努力打~
都幾失敗,點解會咁呢~
無啦啦又整唔到相~Blog友仔留言又無啦啦無左~
仲要我真係唔識去整點解~又話我開左站圾留言功能~
有次去little k 度留言又話我係站圾留言~
真係好煩好唔想用~無奈又要接受,真係好想念yahoo的日子~
呢個12月,其實真係好忙,Anki參加左五個派對~~~
至有左Anki後,我的世界真係豐富好多~
比以往2人世界,我發現Anki帶比我好多笑聲~
間屋唔只得我自娛啦~唔使我出聲都有笑聲~
早上訓醒張床仲係暖粒粒~因為Anki訓係我身邊~
我真係好愛好愛Anki,
打一篇十二月一次過打哂!!!嘻嘻!!!
9個月的Anki
我買左個kitty蛋糕~
咁岩假日,返去同婆婆一齊食~
三舅父仲買左個玩具比佢~
老實不客氣地玩~
食蛋糕時~佢一見到kitty就追佢,
三舅父手軟再輪到二舅父~
佢就追極都追唔到~XDDD
當然佢無得食,我買左個蛋卷比佢食一兩啖~
其實呢日Anki仲未好返~D鼻水仲流緊~
所以一無野做就發脾氣~
聖誕節一齊報置屋企~~
其實不算漂亮,但總有溫馨感覺~
我有想過買聖誕樹,不過想了好耐~都放棄了~
因為屋企空間有限,真係要想想第時Anki大左要點買聖誕樹比佢玩好~
而我投稿左premo 好媽媽雜誌都刊登了兩版紙~
初生相仲同煒燁一起登~
來緊一歲都有幸被邀請刊登一張相~
當做留念都好~不過初生果本忘了買~
Anki都幾好肉架~唔知係咪食illuma
佢轉左後就實左又重手左~
睇我幾肉緊錫佢~~~嘻嘻~
Anki唔係美女~只係媽媽成日都幫佢執下先出街~
公 公話Anki係牛屎妹~><
呢日同錦田媽媽Kit同Anki好朋友肜彤兩個出來聖誕聚~
因為屯天元果個派對佢遅左參加唔到~
Anki胃食豬,其實呢日我仲病緊~
真係好擔心自己身體~我現在唔敢亂食野~
零食只可淺常,仲有唔敢食橙,定時食野,唔餓個胃~
食野要熟食~已經唔敢食魚生了~
但醫生話我只係腸胃痛,腸胃比較差~
加上個人好易緊張~我想,因為個囡我真係唔可能病~
唔係我病左邊個理佢~有時個人病病地都好怕自己會暈底~
咁Anki咪無人餵食同換片囉~
呢日彤 好主動,Anki反而怕左佢向我求救~
最後慢慢先FD返~
Anki已經好叻可以自己食哂成條手指餅啦~
仲遇見表哥仔~
彤彤禮物未收到,所以Anki收禮物先~
成日一面迷失的Anki又係迷失樣~
1222 屯天元生日派對,呢日因為有個媽媽BB病了~
我即話kit好想參加,終於可以同彤彤一齊玩了~
彤彤仲做聖誕女郎~~~
Anki就係兔女郎,成身都有兔仔樣~
完左後早左走,去同Anki玩iimo啦~
有左呢架野,我一得閒就同Anki推推推~
Anki又好威風咁坐~真係唔話佢好老積都唔得~
一坐上去就好期待~爸爸又整得慢~
仲玩左千秋~~睇佢幾咁開心~
第二日同婆婆慶生~
婆婆錫哂Anki
個蛋糕真係勁好食~Anki見我們食佢係咁叫~
好啦~比一點你食~
24号,返左婆婆度,大舅父同媽咪送的禮物~
其實我都無點送野比佢~iimo係三個舅父送~
因為媽咪鐘意佐唔捨得買XDDD
玩具我又唔多買,因為感恩身邊親人都會突然送野比Anki
所以媽咪只會睇有咩真係咁想買的會買~
我覺得玩具真係唔要多~因為真係唔想做浪費的媽媽~
25号當然唔小得同男朋友仔一起開聖誕party
去左煒燁屋企,呢日我好內疚,
原本我扶住Anki住煒燁爸爸扶住煒燁,
之後我老公就話不如開地墊,我們4個都睇住地墊,
我又無留意燁爸爸放左手~
煒燁就咁跌到地下~卜一聲~
仲咀仔流血~好彩最後無事~~~心都離一離~
最後我們都好開心交換禮物仲一起去推單車~^^
燁:比我~
ANKI:唔比~XDD
兩隻野好似做衰野比人發現咁~
同一動作~
交換禮物時間~
兩個講祕密~
anki:冷靜d啦~
同一日夜晚anki就去老公同學的PARTY
好似好忘咁~呢日都ok,時間就得剛剛好~
仲可以餵哂兩餐粥~
老公同學家有得彈琴~真好~
ANKI最細~但身形最肥美~XDD
最摟計~
呢日ANKI食左原來一歲先食得嘅乾果片~
ANKI好彩係咁食食食都哨唔到~
佢同學問我佢食緊咩~我伸手攞到塊APPLE片出來~
好彩佢無吞咋~~~係咁妹~~~
而26号無節目,都係同ANKI去公園玩下單車~
遇見狗仔,ANKI第一次摸狗仔~走仲係咁望實狗仔~
狗仔好乖好乖~~~
夜晚去左睇容祖兒~~
唔好笑我,我第一次睇演唱會~hehe~
但坐得好後呀~~~其中一節講媽媽~
仲聽到喊左出黎~容祖兒真係好好睇~
我叫老公下次唔該買前d~叫佢唔訓都要買XDD~
呢晚得二佗大佬同二佬一齊去照顧ANKI
但十點ANKI開始搵我,係咁裝門口睇我返未~
我睇完拿拿聱返去~最後佢喊左兩個鐘累哂~
返到屋企,ANKI尿片有一邊好似包唔到屁古仔~
原來一邊貼好入,一邊就貼最開~XDD
玩野咩二舅父~
27号老公都放假~
突然同我去睇紅葉~太開心了~
呢件衫,其實我賣廣告
我成日都想係屋企做下野~搵下錢
得個望字~點知有個朋友問我有無興趣幫佢賣衫~
其實我主要幫佢影下相放上網~
而且佢定時飛韓國,d衫又岩我~
又有團購面膜護膚品~~
我緊係一口答應~仲可以比我平價買韓國衫~
十個正~~~分享個網址先~~~
大家有興趣去FACEBOOK
CLK HOUSE 讚個好呀~thx
呢日係平日,好彩唔多人~~不過無上到最高
因為好累了~
夜晚仲同佢同學食聖誕飯~
好好味~無介紹錯~
d 相亂哂~我無時間再整返好了~
就係咁~最欣賞佢個火焰雪山~超正~~
餵食bb~
真係超正~雖然成二百蚊一份火焰雪山~
但我覺得超值~~
好開心參加到豬脾媽攪的聖誕PARTY~
我怕醜,所以同係blog傾開計的BB影相~
無集郵~最開心抱到龍BB~不過點解好鐘意佢~
而南瓜仔好斯文~~好靚仔~
仲係成日分唔清妹豬同肚B~
因好似~一樣咁可愛~
有幸同南瓜落訂~
仲同巨龍拖手 手~
要識多D男孩子先得架~
仲有小寶~好高大呀你~
其實真人都幾BB樣架~^^
除夕果日,老公打來話收一點~
我原本無野做都整野出去睇紅葉,咁第日就唔使又出去啦~
不過青衣就無咩紅葉,但個公園好靚呢~
有D似外國~
Anki真係笑死我~
成日都好似自己踩緊咁~
Anki出街最鐘意有人撩佢~
佢成日會望住人等 人撩佢~
現在仲主動扯唔識嘅人衣服同佢玩~
真失禮~不過佢大多數係搵D姐姐做目標~
點解佢鐘意姐姐仔唔撩D男仔架~有D驚驚地~
爸B個樣,使唔使咁林~~~
呢張一齊笑真係難得~我覺得呢張我同Anki好似樣呀~
影緊時有位伯 伯叫老公影相~~佢好認真咁影~因為菲林機~
睇Anki玩得幾開心,呔盤都唔揸XDDD
咁就過左一年~
返屋企時仲趕得到睇煙花,老公去了沖涼,
我同Anki係摟埋一起倒數~Anki係咁笑~
我覺得得擁有全世界~我太愛你了~
多謝Anki比左一個好豐富嘅2013