9月3日突然多了日假!其實呢日假當年嘅人係好慘!
我地呢日就同E媽一齊去左來亞方舟
唉!有時真係一早去,呢日都唔夠時間玩!
好趕呀!而且入場都唔平架!所以大家去的話唔好好似我咁!
成2點幾先入到去!
去到見仲有班船!咁就等船啦!
其實搭巴士係最近!但又因搭船所以影左好多相!
係碼頭公園附近影下相先!
呢日Anki比我同老公E媽三個攞相機影佢都無有怕!
係咁擺pose!!!呀女真係好好影!
不過呢日真係好熱!上到船呀女個頭都濕哂!
我仲要同佢帶帽!
呢日我自己揸大機影呀女!
用識影相嘅朋友教我的技倆!!不過都好似影黎影去都係咁!
入到去真係影張相都無時間!
都忘了入場費!剩記得有信用卡有9折!
而點解無時間呢!就係趕去做護士!
如果我再早D黎可以玩埋扮醫生或警察!
而呢個扮護士,其真係真係對Anki來說係好長!
成一個鐘時間!但又真係好詳盡!真係仲勁過當初係醫院學沖涼咁!
由開始講點抱BB啦!
首先點同佢去磅重量高,
之後自己做一次再返埋位!
又學點沖涼啦!又出去做一次!再返埋位,
又去學著衫!又做一次又返埋位!
最後就係餵奶!!其實一半時佢已經勁眼訓!
到聽餵奶已不停想訓個樣!我地比提子乾佢食!
玩完真係覺得佢可以去湊BB!^^
個個家長都有位坐埋一邊!小朋友就要自己坐!
出去磅重都唔會好亂!而且一節大概我20個內!
係咁要食提子乾醒醒神!
克住眼訓黎餵奶!!但禁實BB個鼻!
呢個護士太唔合格啦!
之後食D野!入面間cafe都幾好味!
再影下相得返大概個幾鍾!
我地差D玩錯館!有得坐船個館我地放棄唔去啦!
等佢大D先啦!去最尾個館玩遊戲!
老公係咁教Anki擺pose,其實老公次次都會教佢!
所以佢有好多老積相!
而呢日最滿意就係影了下面呢兩張相呢!
行黎行去終於搵到呢層玩!
我記得入面有野玩又有影相位!
呢度Anki一直摟唔影相!因佢都好眼訓!
但原來最後佢自己講好高呀好驚呀!
第一次係街自己第一次咁清楚講自己害怕原因!
而呢張扮訓相E媽話佢好驚.話佢有得傍住先肯克埋眼!
最後整左毛巾蛋糕!
總括以前第一次去都諗有小朋友先岩黎!
原來真係無錯架!今次我真係帶了自己小朋友黎,真係好感恩呀!