2018年5月9日 星期三

2016.11月生活

呢年嘅anki 仲係雙眼皮架!

果時日日係度諗,如果你雙眼皮就好,當然身體健康已經好夠!

不過你一有雙眼皮果日就特別興奮!

通常眼訓呀,都會出現!


第一次跳舞考試!媽咪覺得你好叻叻呀!




第二次生日會,你自己揀衫!

生日會都成了我好期待嘅日子!


夜晚君君黎接放學,Anki 做一手好菜!(媽媽待勞) 







大舅父聖誕禮物就送左呢架單車,

不過單車都係係單車鋪買好d,

唔好踩嘅!



月尾我地去左pop corn影燈飾,

要消費先可以入去影幾分鐘!

但又真係好靚嘅!













2018年5月8日 星期二

21/11/2016

今日三位鄧小朋友去探望包包細佬!

今日連寶品都有妹妹了!

時間過得好快!

細佬同包包一樣,個樣都好得意!

男仔黎講,又乖又定!

不過聽Iris,細佬都幾惡!






19.11.2016

呢個星期老公放大假,

都帶左我同Anki 去戲棚掃街,

感覺好似去左台灣夜市咁,其實係香港

我係好唔願周圍去,因為有咩活動都會好多人,

一想到呢度就唔多想去,

呢日係平日,感覺都ok! 條街都好短!

其實都幾快行完,野食都幾貴,而且其實唔算好好食!

入到戲棚,Anki 竟然有d 驚唔肯落地!

最好味係中式糕點果檔!買左成盒返去掃哂!

呢日都好開心呀!













18-11-2016

讀k1嘅時候,Anki 都認識左一班好好嘅朋友!

而我都好感恩,同學嘅媽媽都好好傾!呢日我地

就約埋一齊去迪士尼,第一次同同學仔去心愛嘅地方玩,Anki 好興奮!

不過大家都未係好熟落!

而且Anki 嘅同學多數係bb,

所以Anki 大姐姐黎架啦!

一睇身形就似k2學生!而家睇返其實Anki bb!

當年仲剛剛留陰,剛剛可以紮比較複雜嘅頭!

大長金頭!




2017年12月16日 星期六

九洲遊DAY 1

對上一次去完福岡就好想念果度的寧靜,

唔算好鄉下,但感覺節奏無東京大阪咁快!暫時最喜歡日本係九洲!

不過如果食魚生真係要揀,食拉麵真係是但一間都好好味!

我腸胃唔太好!我最愛拉麵!^^一 日三餐拉麵都可以架!

5月8日母親節食完飯,返去訓陣就4點要出門口去機場了!

第一次搭廉航UO,時間好好,比上次搭港龍時間仲靚,

大舅父最錫Anki,一早黎車我們入機場添!

點知係T2係無早餐食!係出面食麥當奴!

入左關內都有小小餐廳開!但萬寧係未開!習慣過關後係要買枝水上機,

不過T2係有水機比人碌杯麵架!Anki有水飲啦!

不過原來有點餐UO都會有枝水跟埋!咁都幾好!我地三人只點一個餐比Anki!

不過佢都係訓左無食到!今次仲同表姐一架機添!

好快就飛啦!其實搭UO真係都幾好!無人煩你要你食野!

需要先比錢訂,又可以買位,揀好位!唔會有D空姐周圍行黎行去!

不過呢次之後再無搭!而且今年見佢取消太多!唔敢博!

但朋友話福岡的航班唔怕搭喎!下次可以再考慮!無事就係平靚正之選!


12點就到酒店!同上次一樣出左機場就搭1300YEN的士到酒店,


JR Kyushu Hotel Blossom Shinjuku 係不錯選擇 ,而且今次已是第二次入住,

呢間福岡酒店我見好多谷友係九洲親子遊都好出名!

價錢平,當日都係HKD 7XX一晚,而且乾淨就腳!係附近都係福岡好出名嘅

福岡日航酒店 (Hotel Nikko Fukuoka好近,不過日航好似係有地下街連接出入,

而blossom係要上返去轉一轉彎!但都好方便!地下仲有間便利店!

對面有藥房但只營業到20:00

可惜,只可以住兩天!之後去完門司港返黎就入住第二間!

放低行李就直接去食返個一蘭,好似就正正係側面大廈B2,


大個女要自己食一碗,真心我都好餓!


食完行下超市買士多啤梨!


行左陣又去九洲谷有谷友分享的食店!


早去有原板海膽,又平又甜!

不過這裡餐牌好似得日文,太耐我都不太記得,

我們只吃小小!Anki食佢最愛的枝豆!






之後去行博多站附近商場,呢度可以消磨一日時間!

我地去赤い風船 マイング博多駅店 買個cake返酒店放低!

推介佢的芝士軟心蛋糕,我仲買了期間限定綠茶味芝士蛋糕,夜晚消夜食,超美味!

 而仲有其他味,我試食過都好正!推介!





食下行下都只係5點鐘,時間真係好好用!

呢隻鑊唔知好唔好用,不過不太便宜,所以唔敢買!


想買V仔模,當時岩岩出cup cake模,返香港買都係用過一次!


同上次一樣,一樣有啤酒展!



呢日晚餐是但去博多站入面食個烏冬就回酒店休息!

返酒店食蛋糕士多啤梨!好早就訓啦!