4/10/2016
平時爸爸係跟功課果位,返到屋企我沖完涼就訓左陣,起身已經要趕住煮飯,到爸爸ot返黎都好晏,Anki 話眼訓緊係比佢訓啦,功課聽日做囉,正當爸爸話要Anki 起身做埋先,Anki 就話連線咋,我唔起身,做左啦!咁媽媽我咪落去睇下,原來唔知幾時Anki 已經自己做完功課再塞返入袋仲想揾埋書包,不過書包係好高,佢攞唔到!可能媽媽我係懶果隻,所以覺得你好叻!讚下你先!爸爸仲話要睇住佢做,其實唔使啦!岩哂喎!爸爸話佢多左交叉,我話做岩咪得囉!😂😂
6/10/2016
尋日午餐都係玩飯,好啦!今餐唔食隔兩餐先比食,雖然都好慘,但係真係唔想你太唔識珍惜食物!餓你一日我個心都好痛架!今朝餓到喊!午餐三個字食,一放枱自己走上黎!我會一直咁做,等你知道咩叫珍惜!
張相係尋晚食飯佢埋枱無野食又喊!
9/10/2016
呢日係小姐第一次拜山嘅日子!從此就愛上了!
20/1
16/10/2016
有個小朋友成日話自己係公主!跌到嘅時候話公主好痛!但我呢妹仔唔應佢,佢就會加大聲音,最後都要我講一次公主唔會發脾氣,你發脾氣就係女巫!
21/10/2016
八號風!經谷友介紹饅頭食譜,自制豆蓉饅頭,好好玩好好味!今次好軟熟又易搓!整好Anki 問有無得 添架!原來佢記得返學食饅頭係無得添!佢真係成日添茶點嘅小朋友!😘
無咩風嘅8號下!仲有時間,Anki 同我搣哂d 蒜頭!一齊整哂成樽蒜蓉!
#風球下嘅親子活動!
2016的萬聖節!
Anki由於幼稚園係無萬聖節!
所以兩年來都係係跳舞學校參加扮鬼扮馬!
而我都好小幫佢咁精緻嘅打扮!都淘返一條裙感受下氣氛!
完!