呢日老公突然多了一日假,聽媽媽會講近來好小人的迪仕尼,
我呢個媽最怕係好多自由行的迪仕尼同海洋公園,
好啦~去睇下啦~而價錢單次入去都要450,而最平的年票係850,
想老公一年都有20日假,分開攞都去到4次平日時間,
好抵返哂啦~^^
而且我可以同媽媽會的媽媽一起去~
仲抵,有時又可以夜晚入去睇煙花,
就係咁,第一次帶Anki去迪仕尼,無可否認,我愛迪仕尼多過海洋公園,
因好好逛,而且職員都好用心服務所有客人,
真係要好好讚他們,呢日,我真係玩得好開心!
先來一張必影照片
呢日真係好舒服,無太多人,而且自由行都比較有質數的
只係我上洗手間時,剛出去想洗手,比個女仔剛洗完手佢因洗完即走,
潑到我腳都係,天呀!!!!有無咁趕呀!!!???我只係想,佢有無用揀液架><
呢隻豬第一次睇,都感到好其吧,不過因太曬,呢日天氣好好呢!
又唔太熱~夜晚仲好涼,好彩我帶條長衭比佢~
睇完,我幫Anki影了一張好少女的照片
第一次,騎馬玩,Anki好驚!!
攪到我都好驚佢掉落地!
而玩小飛象就好興奮,因可以推上推落
我們還玩了咖啡杯同維尼
因都買了年票,留下次再玩啦~
比Anki食完飯仔就比佢訓,夜間巡遊要攪醒佢先得~
仲喊哂口
睇完都唔滿意
之後就係睇埋煙花,因Anki睇巧虎係好記得煙花果集
我好開心,用大相機影了佢睇煙花的樣子,
不過我都放上去我的面書,我下次放上呢度先~
真係好可愛好可愛,佢好鐘意睇煙花,
呢晚我不停睇返佢睇煙花個樣,睇巡遊跳哂舞,
而呢日之後我手又好痛,次次抱佢一陣都第二日痛死我~