自然良坊「醒目藍莓」及「天然鈣」試食邀請

多謝自然良坊邀請試食!

 

今次係天然鈣同醒目藍莓!

 

先講天然鈣!味道真係食完都覺好味~

 

好重奶味!入口就溶化!

 

雖然話三歲前唔好直接食!但我會分開一半比Anki食~

 

Anki係勁鍾意食!所以呢隻我會keep住買!

 

 

 

 

 

 

 

「天然鈣」：  (especially for兒童)

★增強牙齒及骨骼健康

★強化體質，激發孩子體能發展

★ 新西蘭製造 ，至純奶源

★ 純食物配方，毋須擔心負作用

★ 不燥熱，特別適合幼嫩、敏感腸胃

★ 美味健康，代替零食

另一隻係藍莓!我知道對眼睛好好!

 

原來仲有抗老幫助!而呢隻係膠囊裝!

 

而說明教將粉未倒出來,我放落麥皮上比Anki食~

 

我自己食左兩星期感覺良好!對眼無咁攰!

 

 

 

 



「醒目藍莓」(一家大細都適合)

 

 

★ 補眼、活腦、強心血管、抗老

★每日１粒，極速舒緩眼澀、乾、矇

★ 100倍濃縮花青素，高效成份活腦益智

★ 不含糖份，純食物配方，可長期服用

 

有關「自然良坊」：

★十多年深受港人熱捧，萬寧獨家發售

★優質生產及SGS嚴格品質驗定，產品質素有保證

★榮膺「香港品牌」得主

「自然良坊」專門店：旺角彌敦道760號聯合廣場30號B地下(太子港鐵站B2出口)
Facebook www.facebook.com/NaturalSquare
微博 www.weibo.com/naturalsquare
 網站 www.naturalsquare.com.hk/

 

 

 

Anki有個專頁,喜歡請按讚^^

LIKE

 

 



E媽湊的Anki 29M

Anki 呢個月人仔都幾懂人性!

 

而且肯跟E媽同三舅父!

 

咁佢地又真係比左幾多心機錫佢先至咁!

 

而呢日咁岩E媽仲放緊暑假!我就可以自己出去攞車牌!

 

唔使帶埋Anki出去!果日出去都要排隊,

 

都有爸爸同媽媽揹住BB黎!腰都斷!

 

感恩有E媽咋!!!

 

E媽呢 日係咁同Anki影相!第一張相係上次媽咪學車E媽又幫手湊!

 

E媽錄左片又叫Anki講野whatspp我!

 

把聲好嗲!終於咩叫暈!唔怪得男仔受唔到女仔嘅軟功啦!

 

知媽咪返黎會買麥當奴洗定手仔等食個樣!

 

一攞薯條出黎就話要茄汁!老豆教架~

 

 

睇返D相真係笑左!E媽呢日都幾辛苦!佢話無停過!

 

仲開啦遊戲機佢玩!

29個月人仔,呢個月更有主見!

 

要自己行!有次我入房打blog,出返黎佢自己執哂玩具,

 

收書!熄電視熄燈!仲訓埋!我真係眼都濕埋!

 

而我知道佢係自己拉凳關燈!所以之後都叫佢唔好再咁做!

 

愛上返PG,有次無啦啦唱一 首唔係巧虎嘅歌!

 

我同老公估估下,聽得最清楚係(吃吃點心精神好!

 

我們一起唱唱歌!)

 

我之後問返MISS,真係點心歌!

 

呢個月有次問佢朋友仔叫咩名!

 

佢係叫三個字!但幫人改姓鄧囉!人地姓陳架!

 

見舅父女朋友都要人姓彭!

 

呢個月比上個月乖巧了!肯飲水!

 

而食飯都係咁勞氣!成日要人餵!

 

呢個月高了!去到90CM!但上磅都係我果24磅!

 

所以我真係唔狠心唔餵佢!

 

而呢個月我將佢留長D陰!因成日剪真係好煩!

 

留長D,希望會靚女D!^^

吐司工坊 29M

自從呢個商場新裝修好!終於唔使成日去屯門都有野食~

 

呢間野其實真係幾好味~~

 

呢日我地無野做就去左呢度嘆茶!

 

Anki對杯柯華田勁有興趣!

 

而家佢真會蝦食D佢平時唔多食嘅野!

 

一飲就飲左半杯呀!

 

 

而家唔使媽媽叫!見有呢D影,佢會話影相呀爸爸!

 

自動波埋去!

 

早幾日係屋企仆損個咀!!

Amanda 生日飯

我的好姊妹7月生日!拖到八月先同佢食飯!

 

呢日我單獨出去!好耐無試過夜晚晚同人食飯!

 

好自由好舒服,人唔多!等位時朋友仲未放工!

 

我仲有時間去睇碗碗碟碟!

 

而家逛街大至上都係睇呢D啦!

 

愈來愈覺得能在家煮一道晚餐!

 

然後舒舒服服坐係度睇電視已經最幸福的事了!

 

呢日我整返上次整比老公的蛋糕做法!

 

再加點裝飾!

 

雖然唔係好靚,但我相信收的人會開心的!

 

而Anki見我整蛋糕又要嚷著要整!

 

好啦!比佢整幾粒糖啦!

 

因我太趕時間了!

 

而今次個朱古力做得好美味!!真係令我想食朱古力火鍋!

 

 

我們食茶木!呢間新開!好好笑係,因我地都好夜!

 

而佢上速度都好慢!我想叫甜點又叫我們十點才叫!

 

好彩我地無聽咋!原來佢收十點半!

 

一早打比佢問幾點關門!佢只答我十點last order!

 

但收十點半!好好笑!如果佢答我收十點半!

 

我會去返加拿芬果邊!

 

 

之後Amanda帶我影鴨子!我影張相比老公!

 

因老公係咁叫Anki 錄音叫我,聽到我心都軟化!

 

而Anki睇到呢張相後!佢回覆係媽咪買呢個!

 

我聽到O左咀!好現實呀!我幾時教佢咁架!

 

從來出街好小帶Anki買玩具!我想係因舅父同E媽時常買野氹佢吧!

 

而近排一起睇電視賣玩具廣告,佢竟然提出下次買呢個呀!

 

我無言啦!都唔知答咩好!最後我話媽咪無錢錢架~

 

唔係咩都買架~要努力先有成果架!係大個就明架啦!

 

咁係乖D媽咪可能買比你啦!

 

 

 

 

 

Amanda祝你永遠美麗健康快樂!

荔園 2015

細細個,呀爸呀媽會帶我去荔園!

 

其實玩咩都唔記得了!剩係記得有次瀨尿比呀媽閙!

 

今次開返都想去影下相留念!好可惜,呀爸呀媽身體都唔係咁好!

 

咁遠出唔到黎!

 

如果早幾年,我就可以帶媽咪黎啦!

 

呢日好熱,我一出無冷氣地方就感到好大汗了!

 

Anki直情熱到無哂表情!XDD

 

果度,無野遮又哂又熱!!最後我們玩一樣野就走!

 

其實主要出來想影下背光相,不過D相真係無美感可言!

 

無天份就真係無天份!睇來都係要比錢人影先有D滿意嘅相啦!

 

 

 

Anki行都唔敢行埋去!只好同隻細恐龍仔影!

 

一路影,一路話要玩大笨象!太熱啦!真係唔想玩要即走!

 

所有相都好唔靚!!不過難得帶埋腳架影一家三口!

 

Anki有個專頁,喜歡請按讚^^

LIKE

7月尾至8月1日的節目

呢個夏日,一有太陽的weekend都去搵三舅父!!!

 

舅父最鍾意呢個Anki黎搵佢!佢女朋友仲買左架飛機比佢!

 

幸福的小女孩!!不過呢個星期之後佢個E媽又買左隻藍鯨比佢!

 

而呢位小姐放哂D水上玩具去哂舅父度!攪到呀媽我都唔好意思!

 

呢日Anki呀媽我好小心!專買件水上外套佢著!

 

而且又買長袖衫衭換!始終上水後都冷又大風!

 

但呢日好無奈!忘記帶泳衣!好彩帶左幾條短衭仔!

 

不過呢間飛機就佢仲未識欣賞啦!同今日唔算好雀躍!

 

 

呢日Anki係戒片片後去游 水!其實唔完全戒架~

 

一返到舅父屋企就話好急呀!真係好叻女呀!

 

 

 

考牌前一個星期都學得好長時間!所以爸爸都帶Anki去行街!

 

我好感恩佢見到A夢!會叫Anki埋去影相交差!

 

佢仲可以單獨湊Anki!我成日覺一個男人湊B好MAN!

 

雖然佢唔MAN!!

 

8月1日老公要返工!我一早同Anki約朋飲茶!

 

Anki好鐘意佢架!次次見都主動拖佢!

 

行陣街就同E媽去舅父度游水!

 

今次係巴士度Anki訓左教!之後玩佢勁開心!

 

仲一落水就自己郁手郁腳游!!

 

至少佢自己係海上浮下浮下!!呢日遲左!玩左一個鍾咋!!

 

佢都好唔捨得走!

 

個個都話佢好大膽!由細個大都唔怕水!!

 

成日跳水!攪到個個都好驚捉唔住佢!

 

E媽買的古惑水槍

 

今次我終於坐到!但好驚!!

 

只敢係淺水位咋!

 

之後食左間唔好食的晚餐!轉場食糖水!

 

Anki第一次食松記!

 

Anki有個專頁,喜歡請按讚^^

LIKE

鄧C9考到車牌日

好似年頭老公終於迫左我去考車牌!

 

佢叫左我三年啦!由考筆試到而家都好似好快咁~

 

筆試好順利玩APP啲題都中哂!

 

路試真係令我成個月都好大壓力!

 

好彩6月停左個日文堂!到7月差唔多個個星期都要上堂學車!

 

個個星期老公都係駕院等我!

 

時間長就同Anki周圍去下圖書館!去下TEA!

 

Anki都開始獨立左好多!好多時都無咁痴我,真係好感謝主給我安排!

 

老實講次次出街我都驚到死!而我係有人介紹搵果個呀sir!

 

佢好有交帶好多野都幫我安排好!

 

比我有種依賴!!!同埋我次次都有樣野衰!!!

 

點知開到一半,個sir佢教果個學生時有交通意外!

 

我變左唔同人教!我果時仲好驚!其實都預唔會pass,但都好大壓力!

 

之後都頂硬上啦!無左呀sir後第一堂仲要係模擬考試,

 

果日真係好驚,之後個sir都時時提我!好似有點通左咁!

 

而果條路係最複雜果條路!!咁之後又再上左一個呀sir堂!

 

又好似好啲!個個呀sir都比D貼士我!反而次次唔同人!

 

個膽愈操愈大!最後有個MISS跟我最後果4堂!!

 

呢個miss好似主一早預比我咁!!佢好長氣!

 

但好細心!仲留意到我好多唔岩地方!!

 

而佢係我唔岩地方要做咩,都同我重溫又重溫!!

 

唔係話本身呀sir唔好!而係我份人好有依賴感!!

 

如果我有D人迫下,我就會更上心!!!

 

到考果日MISS再提多幾次!我都不時同自己講我識揸車架~

 

只係反應唔好之麻!今次唔得就算啦!!

 

我上車等呀sir時驚到手都震!呀sir出現啦!

 

佢好似郭俊安果類!又無咩好惡!

 

我好小心,用miss講過嘅野做!!老實!

 

條路好順,miss話無車就好比油行快!!

 

有大半段都係學車前後行!咁我就好有利啦!

 

而我好小心,好小心!我返到去等結果時都諗自己應該唔得!

 

但又諗好似無咩衰喎!!最後miss話pass左!

 

開心到眼濕濕!!而miss都好開心!

 

佢原本好cool,第一次見佢笑!又除左眼鏡!!

 

睇我4萬咁口!

 

而最大榮耀真係歸主!當日我要老公同Anki一齊手拖手祈禱!

 

我想主真係安排好好的路比我!

 

而我同主講唔pass都會明白主覺得我未準備好!

 

最後我真係想都無想過自己pass!!

 

感謝主!

 

 

當日一早book左呢間!呢間我來過好多次!

 

我未結婚前已經鐘意呢度~因都好抵食~

 

而我老公都話唔pass都要食餐好!無想過會係慶祝埋我呢個獎厲!

 

而Anki之前幾次食都唔會點食自助餐D野,

 

今次佢好好胃口!!食食食!!食到尾!!

 

最愛呢間原因佢係主打食蟹腳!!

 

 

 

Anki對爸爸好好架!出去攞cake一路話比爸爸!

 

入返去一手攞舊餅就跑返去比爸爸!

 

我認我呷醋!

 

呢日好感恩呢!!!