關於我自己:由別人眼中的小公主變成好似好掂的新手全職媽媽,有個可愛的小Anki,世界都因佢而變得更有趣! contact us: yuki_pang927@yahoo.com.hk

2015年10月28日 星期三

9月鄧爸爸陪遊迪仕尼之冰雪小鎮!

自從蕎B愈大愈要人陪玩!開電腦時間都小了!連想同Anki去影相!
 
都好似無咩時間!而家還要搵學校!一日24小時真係好似好唔夠使咁!
 
點解會咁!講完癈話!講返9月鄧生攞左日假!
 
今次終於可以去冰雪小鎮見識見識!
 
原本9月唔會有,因太多人喜歡,我們終於等放完暑假!
 
由於要一早入場排!原本呢日想10點入場都遲大到!11點先入到去!
 
pass都派哂!不過排即場都係用左半小時,而呢日天氣真係好熱!
 
感覺好辛苦!入到去Anki好興奮!我都唔想佢中公主毒,
 
但係其實佢平時同姐姐玩!個個都let it go架!
 
都係咁啦!鍾意公主都係女仔必經階段!
 
呢日有爸爸陪!Anki特別開心!而我都好開心!
 
因單拖真係好辛苦架!
 
入到去,就睇劇場!公主嘅魔法唔惹少!場面好高漲!
 
不過老實,我岩岩果次終於係飛機上,決定睇下呢部電影點解咁紅!
 
我睇完都有D中毒!但我唔係鍾意Elsa,
 
我鍾意Anna,果種敢愛敢恨性格好吸引!
 
 
睇完排唔到同小白影相!
 
 
出返去焗爐咁!食返個飯先!
 
再出去影相!迪仕尼的人真係好好架!
 
好主動同我地影相!仲影得好靚!
 
而家出街都好小有得影全家福,
 
我地又好小請幫手!不過好多香港人會好主動幫手!
 
呢幾次出街都有人主動同我地影!真係好多謝呢D人情味!
 






 
話時話!近排排隊玩都聽到職員會叫人唔好插隊!
 
唔比排先,幫人排,請尊重入場賓客!
 
唔知有無人留意呢?


 
玩到4點就走了!Anki都大教訓!老公幫我影左張相!呢個池
 
一直都無影過!

 
次後回家沖涼再出發搵食!呢間新開係市中心嘅德國野!
 
日日都好多人排隊!呢日有得唔排就試!
 
感覺好好味!真係唔錯!可惜我太趕時間要上堂!
 
唔係可以坐耐D!而呢間野份量都幾大!其實價錢都唔貴!


 
佢睇完公主就成日話要我幫佢執公主頭!

 

https://www.facebook.com/KaiQiaobb

2015年10月22日 星期四

9月兩姊妹開開心心遊澳門

由5月開始計劃,話都無咁快就到9月了!
 
仲玩完返黎成個月先寫!
 
今次因大家都無點計劃,行程有D失策,
 
但係我真係好開心!想回果兩日真係好鬼開心!
 
睇住兩隻小可愛咁相親相愛!而且我有D呷醋!
 
因呢2日Anki要EE都唔要我呢個媽媽!
 
有一刻我真係好眼濕濕!不過當平時Anki都係痴我!
 
算啦!佢有D獨立都唔係唔好嘅!
 
呢日好早出去!好感恩原本想搭的士去總站上巴士!竟然村口仲有村巴!
 
一程車就到!仲早到左!嘆埋早餐等埋恩恩我地就出發!
 
我地成日話要用最抵價錢去玩呢個旅程!
 
所以今次船票來回好似218元!其實我都唔係好記得了!
 
呢日都要攞個旅行喼!有好處係Anki可以坐上去!
 
而今次我地都無帶BB車!好彩爸爸都抱到Anki!
 
 
原本想比佢地係船玩!由唔知幾時開始!
 
我出街總是一袋二袋!就係要準備Anki悶時有多樣野係手!
 
不過原來多餘,上船佢地都大教訓了!

 
一到步返酒店放低就搭的士去B.Duck cafe!
 
呢間野講真,野食普通!主題餐廳來說唔算好味!
 
同薯蛋頭差無幾!到此一遊罷了!
 
但細路影相都好唔錯架!



 
人地恩恩影緊相Anki都要塞埋一份!



 
之後原本去科學館,點知原來星期4休息!!
 
好慘!之後係側邊公園影下相!呢日都幾清爽都唔算好熱!


 
之後我地就去新濠天地裡面嘅童夢天地!
 
途中有好多唔同野影!仲巧遇魔術師!睇到ANKI拍哂手掌!



 
去到童夢天地又係我地無做資料!原來要著長衭!
 
唉!!!!!!迫住要係呢度買衭!!!仲著到勁樣衰!
 
而入面又真係幾多野玩!大人細路都岩玩!
 
呢日仲無人,得我地!



 
呢度公主大變身!

 
有幾部街頭遊戲機!我考左車牌後都識得玩呢總遊戲機!^^



 
而呢個充氣彈彈跳原來大人唔比入去!佢地兩隻痴身怪邊肯自己玩!
 
原本我地好開心跳緊!Anki都好D!
 
恩恩一定唔得!最後Anki都無癮走埋出黎!

 
呢部新機,紅外線機!
 
我捉左Anki玩兩次!之後我都玩左8次!哈!
 
真係好好玩架!我幻想自己係密探001!!!!XDDD












 
最後兩個玩到無哂電!我地就去食晚餐,

 
去左呢間恩恩媽媽同事介紹!!
 
又真係好好味!只係最後唔記得係咩,好似食成枝美極咁!
 
我地都食唔到!但隔離枱食到好似好好味!
 
我最欣賞個木糠布丁!真係超好味!





 
食到有D都忘了影相
 
呢日超愉快完結!!!感恩!
 
 

https://www.facebook.com/KaiQiaobb