原本想同Anki轉過間PG,因都想佢轉下新環境,
係佢2歲大試左一 間,喊到好慘好慘!
連經過都唔比!入門口都唔制!
咁舊果間係高一層咋麻!一出lift就走入去,我問佢你鐘唔鐘意呢度!
佢只係話好呀!我想佢都唔明我講咩!
咁佢的同學仔都一啲會返N,一啲轉左其他地方!
而呢度就我方便自己送佢上去自己再去超市買餸
所以都係呢度讀住先~
而且佢呢度開始時係可以陪伴!最後我都留係呢度,
至少比佢慢慢習慣下,唔係一下子就要自己一個!
回顧返第一日,唔知係咪佢覺得我帶佢新地方上堂,所以就喊定先!
一見唔係就無野!但我就同之前唔同,
係坐埋一邊!
佢時時眼金金望我,驚我走左去!見我係度就偷笑!
而我坐咁耐!第一次見佢坐定定玩遊戲!
自己食野抹咀抹手,自己收拾!!個心好安慰!
第二堂,自己排隊隊!其實我都幾進取!
第二堂早三個字出去!
第三堂就直情走左!而早我上堂的家長佢唔走!
佢幫我影左幾張相!Anki原本係咁喊!
但有個妹妹喊得仲大聲佢又唔喊!!
好似話呢個妹妹仲好戲過我!
再之後4-9堂都係上學果條路喊到唔肯行!
係屋企叫換衫時就摟唔換衫!!試過我同佢逗命長,佢真係哂住坐係街!
最後我輸了!
而我成日都部下間PG幾時會有Anki的相!
雖然唔多!都好開心!時時睇!
係相片睇!Anki係好開心,好專心!
到第十堂啦!呢日Anki好開心!
全程去PG途中 都唔摟抱!仲自己行!
我問佢,返學好無!佢就好!
仲自己跑入去!仲同我BYEBYE,平時我一BYE佢就喊!
不過早幾堂我發現佢要返學就勁摟抱!到MISS一接手,
原本喊到好淒涼即刻唔喊!可能佢要扮難捨難離!
第一期完左!我之後睇返成績表!
Anki發展我都唔會太留意!都知佢都正正常常就算!
而MISS比嘅評語係Anki好留心好細心,而且會發現問題!
睇到後我好感安慰!!我即刻同Anki講多謝你!
多謝你上堂唔會搗蛋!無媽咪係身邊都咁留心!
而我已經想讀多兩個學期就轉下一間新環境!
而因無N班,我又再報下畫畫,芭蕾舞同帶佢周圍玩!
好好享受完全屬於我的時光!!!
回顧呢間!一開始就要佢自己入去!
真係太突然!唔係唔好!我明!不過太狠心又做唔出!
所以無緣啦!而我睇返相,呢間導師都好細心!
但樣子會惡DD!!^^
Anki 加油!岩岩尋日見佢上堂,佢同朋友仔好FD!
仲記得最FD果兩個同學仔全名!!!又一日去同老師講無喊啦!
佢同同學仔原本一齊喊而家都一齊進步!
沒有留言:
張貼留言