7月成長編 28M

7月又過去了!

呢個月的Anki因岩岩病好!

頭半個月都好難攪!

又成日要電子奶咀!而且仲蝦抱!

返學又喊!終於到第10堂先唔喊!

仲會同我bye bye!!!試過之前係坐係地下唔肯行!

我同佢逗!又哂住,D呀婆呀佰行埋去佢都唔起身,我又唔敢行開!

最後逗左五分鍾我就要抱佢走!

真係失敗!

好彩最近都又正常返!肯聽我講!雖然仲會無啦啦逆我意!

例如我話飲水,刷牙,執玩具佢會突然行開背住我唔望我!

當聽唔到我講野!之後我話好啦!我走啦!唔飲啦!

佢又走返黎要做果樣野!

又有時我話唔刷牙就蛀牙!唔靚女!

問佢想唔想,佢會諗下再話唔想!

又有時見媽咪辛苦會乖!成日話我幫你!不過佢叫我幫佢都係話我幫你!

叫我熄燈都係叫我開燈!

仲有有次月尾戒片!戒左4日啦!都係瀨!

其實都差唔多個個月試下!之前幾個月都一個鍾可以瀨好多次!

所以都放棄!咁呢個月佢又真係好醒水!

定時放佢去都去到!

但係仲係一日總有幾次瀨!其實真係好辛苦,

又要抹又要沖涼又要洗底褲!

最後果次係佢成個幾鍾都唔去!我係帶左佢去好多次!

都唔去!點知有一次岩坐完都唔去起身無耐就瀨,

仲要係臨坐盤瀨!

我真係好火,又嬲又氣餒!我真係無咩EQ!

我忍唔住大閙佢,我同佢講放棄啦!唔戒啦!

佢係廁所睇住我又洗又抹又好嬲嘅樣!

我話你鍾意著片就著啦!之後都著片!但好神奇果次之後佢就真係急就講!

可能佢見我辛苦!因佢想幫手洗底底時!我唔比!

而家除左poo poo我諗佢真係戒左!但出街我都係著片!

仲未想好出街點去廁所!我諗我係要買塊板!因係屋企試過都幾難扶!

如果個果塊執落地果下會走落黎!真係要係屋企練下!

係屋企試過豆,但好易出界!!!哈!

其實真係好開心佢戒左!但又唔捨得同佢換片片日子!

我仲記得戒片前,佢係自己去左poo poo之後會行去攞換片墊!片!片膏!

是但一樣無都唔比人換!有次我係房打blog佢係廳!

當我打完明明聽到佢玩到無哂聲應該訓了!

落到去佢係sofa訓了!

我見條片片漲哂!原來大大了!我應抱佢去換!已經見地下有埋架步!

連片都打開埋!我係習慣開定片先除片抹!

果刻好鬼感概!佢想人同佢抹時又媽媽又唔係身邊!之後又訓左教!!!

唔知佢會點諗呢!不過呢段日子又成過去了!

又有時個傻妹聽到媽咪話肚餓,佢無啦啦話入廚房,

當然我係廚房諗緊食咩好!佢入到黎話凱蕎煮比你食啦!

即刻係架度搵野食又問咩黎架!

之後我話唔使啦!佢話要啦!好啦!我煮啦!嗲到你暈!

而發展方面我都無大概記住!我只會見佢一日比一日對答愈來愈清楚!

開始記得人名!交流愈來愈好!而且我堂姐話佢認動物,食物!

字,顏色都較出色!但除左平時爸爸放工打開書教下之外真係巧虎功勞!

食野方面,都係食食下就捽眼定哂手唔想食咁!

最後都係我餵!我有想過餓佢,最後都係唔忍心!

好怕佢瘦,因佢真係愈大愈瘦!始終佢呀爸都係瘦底!我唔想佢似佢!

咁又唔想佢太肥!!真係好矛盾!

岩岩病好就去公園玩下算!唔敢約朋友仔去玩!

第二日去生日會!仲有鼻水同咳!

不過Anki佢好肯帶mask!因巧虎教!

但係佢係街見人帶就指住人話睇醫生!!勁無言!

呢日見到kally姐姐!佢送左氣好靚頸鍊比佢!

8号Anki正正28個月!愈來愈痴爸爸!

仲成日蝦我!

有日同Anki上堂我就去買定個蛋糕,

返到屋企一齊玩下午茶時間!

原本想買果D口味試食後都唔覺好味~反而sales介紹隻味話會重芝士味!

真係好好好味!我一定會再食!

BB時都同佢玩話下午茶玩具!大左玩真的真係好開心!我要買個靚茶具!

去了博覽玩!自己第一次帶Anki去咁遠!!

覺得自己好勁!!!!其實係我小學雞!

原本去東涌食~最後發現去機場唔算遠行去搵食再回家!

回程都係自己搭車回去!

Anki個樣咁滿足我真係辛苦都係好值得!

而且真係好有以前呀媽同我去玩嘅感覺!

呢日去完冰雪3d館咁難得去觀塘呢邊,

緊係去呢間黑熊食啦!我想熱潮已退!我都唔使等位就有得食!

呢日發現Anki已經好鐘意影相!

佢自己攞住隻杯係笑MIMI咁定住比我地影!

老公再提意快閃郵輪碼頭!真係好鐘意呢個公園!

仲用大師教我影的背光相!愈來愈喜歡影相!真係要影多點!

28M的Anki第一次入戲院睇戲!

同佢的朋友仔一齊!兩個人仔好叻無喊睇全程!

回家再食之前 一日去一田買的蛋糕!完全中哂伏!

呢個蛋糕係雜誌推介!

去E媽度睇武則天大結局!佢最熟就係呢苜,一播就要攞野係手當咪!

已經愛上用八達通

兩個蕎B聚聚!

佢地愈大愈似!