中秋節得一星期~ 6M12D

今年係Anki第一次過中秋~

 

無咩特別,只係買左個燈籠,

 

返左婆婆家~食月餅~~

 

Anki 呢段時間試過甘荀麻麻~節瓜鐘意~

 

家姐話佢睇野有D好似個頭側一側~

 

令我好擔心~上次返健康院我又唔識睇~

 

姑娘又話佢無咩問題~

 

希望佢無事啦~因為我堂姐做幼稚園要成日幫家長留意~

 

坐得愈來愈好了~

 

現在坐呢張椅都坐得直一直~

 

有野放面前就要攞~

 

中秋我買了美妮燈籠

 

堂姐過來玩Anki,呢晚佢被玩到好眼訓~

 

二佬女友整的綠茶月餅~

 

由於佢成日入後波~我只係入廚房洗幾隻碗咋~

 

出到黎就來唔見佢架啦~XDDD

 

 

所以見aeon BB展~

 

張hello kitty床幾靚決定入手~

 

網中人~~

 

抵你的~好啦~感恩我買左呢張野~

 

因為廳冷氣又壞了~

 

三凌冷氣我恨你~

 

決定唔整買過部~仲未送貨同裝~

 

我希望主賜我呢部長開長有~~

 

咁Anki呢排都可以係細房放佢落網床~唔使好似上次咁慘~

 

不過佢成日放低就喊~佢終於地墊多D~

 

 

中秋第二日~我放下女同老公~同舊同事燒野食~

 

尋回自由身的感覺~

 

其實覺得近來自己寂寞好多~

 

我知我應該感恩自己有的東西~

 

但有時會幾失落我的世界好似好細~~

 

唔知會唔會有人同我想的一樣~

 

但我最重要的已經係身邊~我揀我好好珍惜佢地~

 

我想人大左要的野都唔同~有的就有~無的唔會去搶~要珍惜~