多謝咁多位寶貴留言,真係好寶貴架~~
我得閒就睇,
blogger又真係比Yahoo方便好多~
放相:佢會自動可以係手機就放相~但教大細真係時得時唔得~
我教到下面幾張咋~我真係覺幾奇怪!!有無人教下我呢隻豬~
當blog友回覆電話就有通知~
我直接係電話就覆返,都幾互動~唔使check e-mail
當我教到留言唔用驗證時~終於有心機寫~
點都好~我會寫~我現在想知點將舊blog搬新~我已備份哂~
有無人教我???THX!
仲想知點分類~~
講返星期六,我參加了元朗區半歲生日會~
有間叫baby room贊助我們幫我們影場刊~
雖話免費~但如果要買相要70蚊張~
我都無想買~影十分鐘~但都買左3張~
其實係好難先揀到合照~因太普通~
但呢日我又同Anki著得好似母子裝~~
買埋果張囉~~~真係生左BB,用錢好似倒水~~
睇來佢入學我拿拿林去做野幫補下先得~~~
呢間野~其實唔係免費我都唔會去~
影D相好似我們自己都影到~只係佢有間影樓有燈光
不過有兩張Anki笑得好似天使咁可愛~
真係好想買~我次次同BB影完相~係電腦睇都一路睇一路笑~真係
好傻~~~係個傻媽媽~~~
影完都六點~呢日老公都唔知仲咩~
我們呢,成日都會因為好小事吵~
我想,我唔鐘意佢係幫手但成日發夢呁~
唔知點解,好難溝通~我有時會想,對住佢真係想死~
但我又好愛佢架喎~只係佢有時好大意令我想死~
呢日我們去了AEON 菳灣店,
因為太多野行~要買部碎肉機~~
我上次買果部攪拌我有想過整煮再攪碎~
但又想生攪碎先去煮~~同一個攪肉一個攪菜會好D~
可能會煩D~但感覺上乾淨D~我又唔識用刀整~
可能手軟都唔碎~~~幾百蚊,之後整返肉餅都好呀~咁想性價會高返D~
我們呢日因為無時間食咩~好肚餓~
去食咖哩~哇~~好好味~我叫了炸蝦~
仲加了漢堡排同可樂餅~
好大件~攪到D飯食唔哂~仲好好味~~
佢坐hipseat真係好開心~成日郁隻腳,
真係怕佢踢到人~
呢日呢,我同Anki帶呢個頭飾,無想過會咁忍人注目~
當我上到去睇地墊時~就有個EE行過來哇~好靚呀你~
又話我好有心機~~~
我都唔知點好~到行到電氣部~~
有班EE(其實呢間aeon真係幾嘆,個個好似唔使做吹水咁~)
屯門果間個個都成日做到CC下~
果班EE就哇~你睇呢個BB好靚喎~公主公主咁叫~
呢個時間我無可能調頭走~咁就笑笑口講多謝啦~人地又同佢玩我無可能行得好快~
就係咁~我望我老公佢原來行另一邊~佢話見我面都紅哂~~
不過自己個囡比人讚~~點會唔開心~
不過我想講佢係屋企唔打扮係小新來的~~
佢只可以用可愛來形容,而唔係靚女~~XDDD
希望Anki第時睇呢篇野唔好嬲我啦~
放心,呢個世上無醜女人,只有懶女人~
佢現在坐唔定,成程車都腳揮揮~~
好可愛~~
打住呢日先~仲想打Anki近來飲食~~
等下次有時間先打~
沒有留言:
張貼留言