第五日,食埋酒店早餐點check out!
唔算好多款又唔算好食!不過就唔使去搵食!
第一個地方就係西松屋!其實呢間係邊間我都唔係好清楚!
因係鄧生搵,而我只知係無咩人架!
第一次去西松屋!感覺D衫唔算好靚,但真係好平!
平到我都有D失心瘋!原本預一小時!但只係揀衫揀帽都用了近一小時!
最後老公係咁吹,是鬼但但又執D!
我覺得西松屋男裝靚過女裝!
2歲的Anki係咁自己揀衫!成日揀件唔靚嘅衫比我!
Anki:我要買!
媽:你妄想!
之後返返福崗啦!要趕去麵超館!
去埋今次我想都唔會再去!
上次去過神户Anki仲細!今次佢去!
開心到爆!呢度仲要時常都撞見麵包超人行黎行去!
但今次教室無野玩!而睇左次場劇場!
D妹妹仔跳舞好好睇!^^佢地真係好靚!我係媽媽反而比佢地吸引!
一去到要醫肚!咁岩叫野食後第一場劇場就開始了!
鄧生同Anki就去睇左先!而我都睇到佢地!
可惜次次Anki都唔係入去同麵包超人個位!
睇完就返黎食野!
之後出返去又見到超人!而日本D小朋友雖然都螞蟻遇上蜜糖咁!
但我會好放心Anki自己擁上去!
而呢個時候Anki都用佢最大力量迫下迫下去到佢偶像面前
佢勁開心!
之後玩彩虹滑梯!第一次,Anki都會排隊架!
日本小朋友都會唔排隊架!但有個姐姐擋住!
仲會教佢地排隊!
2歲嘅Anki都仲未識玩滑梯!時常都轉哂身!
其實都係玩果D野!我覺得都幾悶!不過Anki都係咁開心!
影相位都係果D!比起第一次來!真係無咩意欲再影!
而來緊去大阪都唔再去啦!無時間再去神户!但睇到呢D相又好想帶佢去!
日本小朋友真好!如果香港都有我一定帶去黎多D!
玩完下面又上去睇下野!上面果層係賣野呀教室呀!
賣麵包!影相都有!
而呢個時使又見到超人!真係無處不在!
Anki我都唔理跟大隊拍住 手仔大踏步去!
14個月時Anki要我扶住玩呢舊野!今次對佢來說依然新鮮好玩!
呢個可愛的日本姐姐好喜歡Anki架!同佢玩左幾個玩具!
買左小小野!又周圍逛又見到麵包超人!
我買左隻錶仔比佢!麵包超人即刻留意到仲同佢講多謝!
之後無啦啦!同超人共舞!
睇返呢度都開心同值回票價!
玩到2點幾,等睇埋劇場走!但Anki已經好眼訓就周圍唔聽指令狂行黎行去!
好唔容易捉佢!佢又跑開!
連玩滑梯都唔排!睇下佢幾收家!!!
捉都捉唔住咁滯!
捱到3點就開場!我地今次坐頭位!仲買左麵包人形燒比Anki坐住睇!
睇完即走!比Anki訓下!
我地下步去aeon mall,呢度真係好大!
都唔夠時間行!買左下面呢舊BK人話一定要買黎做手信,
唔記得叫咩!我咪試下有幾好味!
食完,我覺得同香港的雷沙湯圓或者糖不甩無分別!
可以唔使買!
買左杯雪糕都係普通貨啦!
我就行街睇袋!老公就同Anki玩呢部野!
是但搵野食!之後老公都買左兩對波鞋!
返到酒店再休息下再出返去屋台!
係呢間屋台發現呢度附近有間食蟹!!
決定明天還車後就去呢間食!
呢日都唔暖都仲幾凍下!
是但搵間入去食!關東煮勁好味!
超正!而拉麵就好食但唔算有驚喜!
遇到香港人佢地主動幫我們影左今次好少影得全家福!
謝謝你地!
我地未教好!爆左光!不過我都好開心!
食飽飽返去了!
回顧:
沒有留言:
張貼留言