9月,個個開學了!而Anki無學返!
我就襯張迪仕尼未到期,又知個個返學又小人!
入迪仕尼玩!而我都未試過無約人入!
其實都幾大挑戰!而有之前同其他媽媽陪同的經驗!我都幾順利呀!
呢日一早上芭蕾舞!之後就去食個午餐!
我知Anki都好眼訓!佢慣夜訓BB,而家我都開始要佢早訓!
但好無奈早極都11點先上床!
食完好順行就比佢係撘車時間訓陣!車程一個鍾!
而一到步出左閘個刻個有隻豬仔即彈起身!
真係好攪笑!一起身就大叫迪仕尼呀!!
都成4個月無去了!都記得!入到園即問HEYYO呢?
HEYYO係之前入園一齊玩的其中一個BB!
都幾FD架!估唔到佢會有咁深印像!呢刻覺得佢好似好寂寞咁!
不過好快就比巡遊改變左我想法!
好小人!大多數都香港媽媽,好似我咁單拖入!
而Anki一收到貼紙好開心!
我地今次入樹林果邊玩先!
第一次玩呢隻狗!
雖然好哂好熱,實出哂斑!但見小寶貝咁開心都唔怕!
今次呢,Anki入園已經好有主見!佢係玩完一樣就即話玩邊樣!
見小飛象即話玩象!玩完象又話玩搖搖馬!唔玩會豬咀!
玩完船船就發生一樣好樣衰嘅事!
諗起都樣衰!咁呢!一直媽媽會都教我帶鎖入去!
因有好多人唔見車!而我個做迪仕尼的朋友都同我講日日都有唔見車!
其實點解唔見車!唔係比人偷!係有人無帶車自己細路累就會求其順手借車!
其實車唔貴!但突然無左會好大鑊囉!有的可能搵一大輪有的可能搵唔返!
而我就好大頭蝦,鎖完就唔見鎖匙!唉!
都唔知點解!最後返小世界搵人幫手!問睇下有無跌左係船!
呢件事上我覺得大部份迪仕尼員工都真係好好人!
入親去佢地都會好好做好份內事!又好笑容!
今次仲陪我等人剪鎖!又叫我唔好企咁耐!叫我搵地方坐!
又送好多貽紙比Anki!
當時都4點幾!我等了9個字!佢再叫我坐下!我當時個心係度諗係咪剪到架!
咁我就話帶佢換片!係去換片途中!Anki見木馬想玩!
我就諗都無人排!入去玩完都未得啦!
一玩完就收電話!最後佢地剪完啦!又係勁送貼紙比Anki!
總之我真係好感激我比佢地制造的麻煩都唔克面!
之後都5點,要差唔多走了!最後玩埋杯杯同埋排埋美妮!
Anki勁開心,佢真係好鐘意美妮!之後返去同鄧生食飯!
佢就係咁同老公講我去了迪仕尼!
過了兩日我又去!呢次我好夜先去!因想等老公放工入黎玩!
因上次走Anki係咁問唔睇煙花啦!咁我就話下次等埋爸爸入黎睇煙花啦!
呢日比之前仲小人!我可以狂影Anki,
有媽媽話我好似包左場任影!
下面兩張係佢自己擺POSE架!
影影下又發作唔影啦!其實佢都有好多唔合作的時候架!
之後又玩下呢樣玩下果樣!
今次鄧生醒!買密碼鎖,不過上次又整唔見左^^
之後諗住排隊影哂D公仔!點知Anki只愛美妮!
其他就唔肯影,又喊喎!
當Anki同美妮影相係笑!
之後肯排影米奇都算好比面!但影米奇就豬咀!
老公入黎啦!Anki肯玩維尼啦!
我泊車去維尼佢係唔肯行埋黎!一見我推車走就拍手笑哂口!
之後醫肚!點知好多間平平地餐廳都唔開!
見無得揀入呢間!貴DD!但咁岩又有巡遊!
岩哂啦!Anki睇到好開心!而味道又幾好味喎!
其實我覺得迪仕尼D野都幾好味呀!^^
影下相等睇巡遊!
最後睇煙花睇到一半就走!因都唔想太迫車!
又一星期我又帶佢入去!今次真係玩得好hea!
慢慢玩!慢慢遊!
今次玩左無玩過的3D米奇強想曲!
Anki未入前好摟計!入到去好彩咁岩坐我側面有個BB!
佢爸爸叫BB叫Anki唔好喊!最後都睇好哂!
而Anki睇呢套戲好好笑!可能太3D!佢睇到有野彈出黎就震一震!
我都驚佢嚇親!
而呢個時侯已經有南瓜裝飾了!
最後遲左搭火車!所以都走人了!
沒有留言:
張貼留言