終於攪掂Anki生日會~攪好自己身體~
我返來啦~又有時間上下網打返Blog,好鬼掛住呢度~
成日覺得好似無功課交~查實現在好忙~
日日Anki醒後開奶,洗定野~餵固體早餐~
整午餐,再洗野整晚餐~一日D時間就咁走~
鄧生一返黎我都可以老點下佢~我體重由生前108現在跌到去100
自同鄧生一起後從未有過的數字~真係又喜又憂,
因為全職媽媽真係好辛苦架~邊個話唔使做做小奶奶~
我話有工人又唔使做先係小奶奶~當然我最幸福係一日24痴實個女~~
真係好鬼sweet架~而我都好感恩自己做C9~
新年過後,我又肚痛~痛法同上次去台灣果種痛係一樣~
唉~第一日唔睇醫生住,第二日睇開D醫生又無開~
去睇一個無睇開~食左藥2日都唔好~仲發燒~
第4日去葵芳睇,佢開D消炎藥比我~再要我驗身~
今次但無發燒但都唔好~再去屯醫~又係無用~
唉~~驗身又要等星期一,我最無買住院~~~
咁只好再等,睇三個醫生都話我係腸胃炎~第二個醫生就話想睇埋驗身先~
星期一果日,早上再睇上次去台灣睇好果個醫生~
佢都係話我無野~
好啦~我食左藥都無用~去睇返部告~~~
醫生話我又有發燒,叫我去碼嘉烈~~~
咁我就攞住信去,首先帶Anki返屋企沖涼~
再交帶比大佬~鄧生就同我去碼嘉烈,
其實可以去屯醫~但果次去屯醫實在唔想再去~
去碼嘉烈都幾快上到房,
但我真係好難捱~岩岩入院D醫生都話唔覺係D咩野~
我又唔係盲腸~做左D檢查~照初步野~
下午話D報告無問題~果刻我已經忍唔到係咁喊~
我喊係因為我好想出院見呀女,我知我已經好幸運~
打比果時陪月又幫到我湊~D親戚又幫手~呀哥又請假~
大家輪班幫我~就係知我太緊張個女~
我喊到收唔到聲,係飲泣咁喊,D姐姐走黎安慰我仲更加收唔到~
又吊鹽水~無得飲食~又喊到眼腫,我只好訓底,
因為喊到想嘔同頭痛~我感恩~
FB有幾個都PM我,同我一起祈禱~,我同主講,
我唔想喊,我想安靜,我知我好幸運,有主幫助~
最後自己心諗D開心嘅歌慢慢平靜~一想喊又祈禱~
唉~醫生話要第三日先可以做電腦素描~
呢幾日老公都比我同Anki視像~真係諗起都心酸~~
媽咪話Anki諗諗下就喊,一定要人抱,
大家一見佢喊都抱到手軟,後尾我教佢地,放佢落床比佢喊到訓~
都總算唔使咁辛苦~我記得果幾日日日得6度,
我係醫院其實唔覺,好彩呢幾日Anki係我媽度~
我自己村屋係好冷~
電腦素描出左就話我大腸有影~咁只好比我出院先~
再等照大腸個期~我係情人節出到院~
勁開心啦啦聲自己出院返去沖涼見女~
Anki第一眼唔認得我啦~要爸爸啊~
老公呢幾日算係咁~Anki唯一依靠佢~
之後無耐Anki終於痴返我~我個寶貝~之後我自己約左出面私家照~
我好感恩有朋友幫我陪我~出黎結果竟然無事~
都唔明點解~??????醫生就話暫時咁睇就唔覺咩事~
叫我唔急唔趕唔憂慮~要我放鬆D~咁個胃就小D唔舒服~
如再痛就要再做電腦素描,總之健康好緊要~
呢D相係Anki陪我去睇醫生~佢呢兩星期都無得係屋企好好玩過~
連11個月都要屋企過,用麵包機整蛋糕又衰左~
不過我都整好野佢食~
呢張係二佬係我出院前影比我~
一出院就可以抱住心肝寶貝~我真係好愛你~
沒有留言:
張貼留言