Anki 的三歲生日

不經不覺三歲了！我原來做了三年媽媽！

今年唔攪生日會，淨係諗簡簡單單同Anki 去揾米老鼠切蛋糕！

6號果日約左細妹同e 媽舅父同君君去摘士多啤梨！

食午餐時一於來個小party!

我地準備個蛋糕，今年Anki 大個，

佢知自己幾時生日，不停同人講我生日！

一起唱歌許願吹立足！(唔識打字) 

呢日都好開心渡過！

因為8號要上堂，所以7號慶祝，

呢日一早補堂，諗住食完早餐就去迪士尼玩，

最後因為裝修要揀野，返屋企執屋去迷你倉，

最後夠鐘就去酒店食飯！

平時都book 全時段，因為呀媽我慳家，

今次book 兩個鐘，

其實真係好難食到全時段，而且今次去

好小卡通人物影，更加無美妮部Anki 切蛋糕！

好可惜！好彩係Anki 份人無咩所謂，

唔會特別喜歡邊個卡通人物，有公仔行埋黎都好愛！

呢日Anki 可能大左，對上一次buffet 都好似

都未夠兩歲半！今次佢好好奇自己攞野食！

而且而家小左要人餵，食野個樣成個淑女咁，

呢樣係君君好耐無見Anki 已經發現左！

希望大個你出得廳堂！

話唔未完變豬仔，佢話豬係要咁影相！

坐了接近一個鐘先有卡通人物黎影，

之前幾次黎食都係一坐低就影，仲要重複又重複！

米奇黎到佢好緊張

雖然Anki 都好滿足走，但我見佢有d 失望嘅眼神！

因為好幾次佢以為有公仔行黎影但都無佢份！

但佢都會等待！總括迪士尼酒店真係可以停一停，

無咩野食連公仔都cut 人手！

正日了！如常一早去上堂！

今日仲著新裙仔！

而且大個女啦！自己用小童八達通！

真係多謝e 媽買個咁靚嘅八達通比佢！

不過都係玩左果兩日！之後搬左淨係搭巴士！

巴士4歲先要比錢！嘻！

佢最好嘅同學一見面就同佢講生日快樂！

我相信佢開心過收禮物！

中午同heyyo 食飯又有禮物收！

真係多謝你地記住佢生日！

呢日Anki 真係好開心，佢真係好喜歡佢嘅朋友仔！

夜晚我同家人來個小小切蛋糕聚會！

係屋企可以等埋舅父佢地放工返黎！

可以同行動不便嘅婆婆慶祝！

我相信Anki 呢日係最開心！早午晚都有人對佢講生日快樂！

仲連續食蛋糕！媽媽無咩求！

只望你健康同快樂！

我同爸爸真係好愛你！