今年凱蕎第2次陪老公過生日
因為老公半年前攞左信和卡
生日月去黃金同某幾間都有買一送一優惠
都好抵呀，不過呢日anki一早去睇醫生，
因為佢燒左2日，只係燒，睇醫生話佢有d喉嚨發炎，
開左抗生素，見佢無咩book都同佢去食自助餐，
黃金自助餐今次主題我都唔知，只知枱枱都有海鮮盤，但其實係出面冷盤一樣一種加一隻龍蝦
我頭頭唔想食，我早去，到最後有個女仔收碟時問我唔岩食呀？
我只有笑唔知點答，之後佢叫我慢慢享用，
雖然枱枱清哂，但我真係唔識欣賞，汗!!
Anki今年大個，可以食到一部份，又有得行出去聽歌
我仲著到佢成個公仔咁，比d哥哥讚佢佢就好開心
係呢度有個4歲嘅姐姐教anki玩，
我盡量唔影到佢，不過佢話一齊影仲攬住anki，
我望佢媽咪唔介意我影左2張，哈哈，anki次次出街都有小朋友緣，
回家黎燒到39，嚇死我，浸完浴掉返
之後2日開始流鼻水，原來真係傷風感冒
食哂藥都要睇多次好d
木制玩具真係又靚又好玩，
Anki同我玩呢個玩具有互動架，
佢會同我一齊分享下午茶
唉…攞小小野都唔得，要罰洗碗XD
愛心蛋糕，anki好返dd都食小小，但發現佢唔係好愛食
719 約了little k,小寶，去寶品家玩，
原本怕anki傳染佢地唔去，但大家都話唔怕，
可以參加開心到爆，呢日我感恩能識到佢地，
有傾唔完嘅話題，寶品媽同小寶媽都唔係第一次見，
至於我嘅女神little k就第一次見，同little k媽媽又好岩傾，
所以大家好似識左好耐咁，好開心呀！
Anki參加寶品小天地，想朳入去，因為唔識搵門
咁快咁親密，原本寶品想整燒雞
Little k 黎到啦！好標緻，果然係美人，同媽媽一樣咁靚，
呢隻豬好攪笑架，會伸利，寶品媽好叻，成屋玩具都好有質數，
仲唔係一定貴野，但好有質史
然後轉去2樓係更多玩具嘅地方，
小寶最大，係大阿哥，4個小朋友會爭野玩，
我覺得爭野玩其實係成長一定要經過，大人只好等佢地發揮算了，
而anki第一次比大哥哥推跌，好好脾氣的佢有唔甘心表現，
但之後寶品行開佢先去玩廚房，嘻嘻...
之後排排坐食little k媽媽買嘅蛋糕，
大人食蛋糕，小朋友就係1口星星pancake,
Anki唔係第一次食架啦！但佢好捧場，
仲同寶品爭食，仲爭凳仔，
原來平時唔食我係因為我無整到一啖一粒，
寶品家好正，好多影相位
之後大家好乖乖執玩具
女子合照
睇巧虎個個坐定定，little k睇到好似睇恐怖片
而小寶就讀英文字
小寶睇到手舞足動，anki睇到想訓教
愉快時間總係好快過，期待下次再約
Anki都算乖，開始自己食下飯
最近愛上利小館，味道唔錯
係寶品家玩完好玩bi bi凳
即買返張比佢，佢好鍾意仲自己攬住，比收銀過時仲唔捨得放手
Anki呢個食相真係多麼可愛，
同平時文靜的唔同吧
老公正日去山頂，諗住生日優惠去立像館，
平多自由行勁掃興，一車一車入，
影左陣好無癮，我連放anki落地都唔敢，而且anki係好驚咁捉實我，因為佢地好嘈
好彩停雨我們可以去公園影相，真感恩
個氣球係鞋鋪姐姐送比anki，
但我無幫襯叫anki比返汽球姐姐，
Anki次次收禮物都望下我，我話唔要佢就唔要，姐姐話你要啦！
最後anki開開心心攞住走
呢日整軟芝士飽，要低酵24小時
Anki負責放芝士，爸爸知道anki整，即食好幾個
傻妹好鐘意整麵包 大個要多d一齊整
試整寶品家的一口pancake
我整左我同anki嘅名
10分鐘清哂，碟都食埋咁滯
沒有留言:
張貼留言