呢篇跳步記錄Anki歲半成績表先~
Anki唔經唔覺咁就歲半,之前一直驚佢講野,
14個月都只係識爸爸媽媽加鴨鴨,
16個月突然係屋企講好多字,成日巧虎巧虎,kitty kitty,
我就成日係屋企攞玩具同佢講,
到今次返健康院pass,同識疊積木,聽人講唔疊都要2歲再返~
講返今次返健康院,我臨行同Anki講你要醒醒定定呀~
同係屋企一樣得啦~仲帶埋巧虎出去~
見姑娘,姑娘一見佢就讚佢乖,之後疊積木,Anki之前上PG都考過佢~
再問佢平時講野係BB話多定有意識,
我自己就覺BB話多,但原來話佢係屋企會快過我講果樣野就合格,
單字就婆婆,媽媽,爸,舅,公公,蛋蛋,鴨鴨,狗狗,猫猫,餅餅,奶奶
啤啤,A,B ,波波,樹樹,BB,bye bye......
雙音就有巧虎,kitty,唔媽(E媽),叔公,叔婆,Apple,媽咪,姑婆,balbie......
之後講食野~
Anki一日5餐,有時8點食有時10點食奶,8點就會訓返~
12點午飯(大人飯) 4點麥皮/通粉/pancake/麵包加水果
8點晚飯(大人飯) 11點奶
不過姑娘叫我早上同4點果餐轉啊!我仲未開始,
而食野會餵人食,自己食都好好,開餐頭2個字都自己食,
我會係佢身邊幫佢小小,有DD控制用杯,
但飲奶依然奶樽,最攪笑當姑娘問佢知唔知眼耳口鼻時~
我話佢知,不過會指錯,Anki即拍我手望住我,好似話我好講佢壞話,
最開心,姑娘讚媽咪湊得好好~感覺辛苦係無白癈
最後走啦~Anki bye完姑娘一枝箭走出去~
又回憶了~返返去7月尾,Anki仲係16個月
約好耐無見的黃靚仔,半年無見了~
對上一次已經聖誕節,今次時間了緊迫了~
現在大家都在忙,好難先再約到出來~
而且Anki媽報了日文班,要等星期日老公放假先得閒讀,
現在想多點BB聚會都好難就
因大家都在忙了~
我們去圓方,呢個狗狗報置,Anki好驚,
Anki好攪笑,呢D動物報置就驚到又叫又走,
人又唔驚喎!!真係比佢笑死~
Anki好努力做親善大使,但黃靚仔已經忘記佢了
好快又走了~靚仔媽抱下Anki即呷醋XDDD
無論何時,Anki都係咁愛笑,佢係快樂BB來,好感恩
第2日,起身諗住臭豬換片,但佢反身望住我~
即拿相機教佢擺pose影相~我覺得好掂,太可愛
第8堂,E 媽放暑假一起來上PG,
同Anki食甜品,感恩Anki出來就算第一次見的都會好快熟
所以又好愈快享受呢餐,睇佢笑得幾開心~^^
好囉,E 媽係度就可以同我同Anki影好多相~
Anki進步好好~已經係自已搞樂器,拍拍手,自己舉手點名~
而小肌肉罰練佢真係好可笑,下面要大力入波得佢一個做唔到,
而疊積木又得佢一個做到~
睇佢幾得戚
大肌肉去到滑梯時,個個唔肯郁,塞死哂~場面好可愛
8月頭又約了朋友仔見Anki,第二次見呢個EE
睇我們好襯,無夾埋,有人話朋友好像倒模會愈來愈似
第二次食呢個雪糕,污咀猫
之去去宜家,撞岩呢個商場好多野大減價
我而家最愛買碟呀碗呀~廚具呀~
行足2個鍾訓足2個鍾
之後去又一城食晚飯,可以同最愛的加菲影相
唔知係咪陀住佢時成日都抱加菲,而家佢都好愛呢個顏色野~
食甜品時,佢無得食,我唔敢比佢食未焗過的甜品,所以不停投訴,
呢間餐廳樣樣都咁大碟,食到要打包
星期日去搵哥哥,去佢會所玩~
我幫佢帶頂草帽,佢又知自己好靚,
玩玩下有個哥哥好多野講,撩我們玩,Anki就好攪笑聽我們對話
第9堂,呢堂真係勁唔開心~
係玩一張類似床嘅野BB係上面平行咁,
見Anki玩得幾好~我咪影佢相~
點知佢彈下彈下打左個關豆下地~
嚇到我死,佢又無喊無事~咁岩之後佢又開始無啦啦氣管有痰
帶佢睇醫生順便睇下~醫生話無野咋~
同Anki量高,一個月高了2CM
星期6約了38BB其中兩位王子,
Anki就正啦~比Don少攬攬
Don好多野講,而Ayden比較鐘意周圍走~
但呢日Anki睇第2次醫生,今次轉左醫生食左2次藥鼻水小了好多~
不過無啦啦嘔,可能嘔D痰,
醫生話氣管敏感
第二日同老公掙枱腳,去余仁生買喉祖未試下,
個EE話Anki好似日本娃娃~~
呢日都係帶Anki睇多一次醫生,我真係怕唔睇變哮喘
醫生話其實佢得小小鼻水唔流出來就唔好再食藥了~
但留意有喘氣就要去醫院
睇完仲同Anki去食譚仔,今次係我第一次同Anki 2人係街食野~
而且唔多人~譚仔都特別比張梳化我坐,而Anki係好乖唔會同圍摸,
佢會靜靜坐同我一人一啖食米線,最多望下人,同撩佢嘅人笑~
所以我真係覺佢好錫我
下午見無咩野就同佢上埋PG
Anki佢真係好鐘意上,黎遠見到MISS就走去say hi,
我估佢唔到佢認得哂佢地~
最後一堂了~今日撞到B奈BB,
佢好高呀~好小美人feel
呢日Anki攞畢業書
佢最尾好開心攞住周圍比人睇
要等到9月先可以見大家了~
沒有留言:
張貼留言