第四天，今次我都幾期待，因為Anki 夠高穿上可愛的和服了！
原本預約了11:00,但係我地9:30已經到左京都，
咁泊好車就去問下可唔可以早d 換衫，
今次我係揀本店，都係揀返岡本！
去到已經好好好多人了！
而我覺得京都著和服真係抵d 嘅，景真係多，
但人更多！
而事前都諗好無一齊穿，我最後都穿上，
但係今次的和服穿上後無第一次咁好睇，仲感覺肥左，而今次我發現佢地多左兩款髮型選擇！
而Anki 今次只有紅色同藍色揀，我就揀左紅色比佢，估唔到好襯佢好岩佢！
我發現和服紅色係最吸引，因為岩岩對上係九洲返黎，Anki 穿粉紅色真係比下起！
而我地都揀埋髮型嘅！
去到已經有位小妹妹梳緊個髮型好好睇，
我就幫Anki 揀相同髮型，
Anki 佢同我初時入房，間房好多小姐寬衣佢覺得好好玩，到有婆婆抱住佢幫佢穿和服佢好合作，
仲好享受扮靚靚，再帶佢去捲髮時，佢個姣姣地八婆仔相太可愛了！
一個小時多dd 就攪掂哂！
一如以往岡本店員員工都會幫我地影相，
老公都係唔著和服唔陪我地癲！
估唔到Anki 好喜歡著和服，亦肯著木屐！
可能好小小朋友著和服，佢大受歡迎！
通常外國遊客和大陸都會主動問可唔可以影相，
第一次有位外國男仕問，我拒絕左！
佢再三問老公我就比佢影Anki, 之後佢送左隻樹熊公仔比佢，果刻覺得自己好無禮貌咁！哈哈！
再之後我都是但啦，Anki 又咁鬼受落，咁就展開佢好受歡迎嘅旅程！
佢其實都有脾氣，開始眼訓唔肯行，我地因為有上次經驗，無攞bb 車！
所以要用糖氹佢！但係有人想同佢影相就v 哂手！
換完衫就去醫肚，是但揾左一間食蕎麥麵，好好味！Anki 好鐘意食果碗炸到脆卜卜嘅野黎送飯！
我覺得好似以前去酒樓食粥要黎送粥果d 脆卜卜嘅野！
間野有d 境影，我地就行左入去影相！
鄧生好努力影背光相！
日本寺院好多呢啲沙石地！Anki 好鐘意行呀行呀！
又鐘意洗手！佢又成功吸引左外國人影佢！
我地今次唔去清水寺，行去八板神社！
影完佢已經好累，咁就出去食下雪糕，
去左間我未見過人去嘅鋪頭食綠茶雪糕！
估唔到誤打誤撞入左間咁好食嘅京煎堂！
睇返d 相到而家仲回味緊，
個人覺得仲好味過中村滕吉
再出去睇買左幾盒煎餅，好正呀！
返去做手信！
而出門門有人可能掉左綠茶雪糕係地下，店內店員即刻攞紙巾出去抹地！
這樣精神我真係好難唔喜歡日本呢個地方！
而店鋪轉個彎就係花見小路，
小姐要換鞋了！影影行行，佢嘅電力完了，
最後老公就抱佢返去換衫！
下面位台灣媽媽跟左我地好一陣，
佢好可愛，推佢位兒子埋黎要佢同Anki 影相，
又拖實佢問佢一齊影相，佢真係好熱情，
之後癮左一班遊客輪流影相，場面好好笑！
換完衫Anki 算差左小小電！
見還早，去埋我好想去嘅伏見稻荷！
睇人地d 相就靚啦！事實真係好多人！
不過我都覺得好值得到此一遊！
而無著和服嘅Anki 都竟然有遊客捧場想同佢影相，好攪笑！
行上去我地行到分歧路口即山上一半就走，
再行就要行一個鐘，太陽都落山了！
?再買好好味燒米餅食，來到日本雪糕以外呢個都係我最愛！
再排章魚圓，都排左幾耐
返去難波還車就食蟹樂道！
都係覺得佢最好！第四日美好旅程完結！
回顧
沒有留言:
張貼留言