又大一歲,又老一年!只能講時間過得太快!
不過,有小寶貝係身邊,老都算啦!都叫做人地呀媽呀!
11月近中了!而家先打9月的生日!嘻!就來忘記左有咩發生了!
呢日正日係中秋節前一日,老公同我去攞蛋糕,比我發現係花形蛋糕!
原來美心都出左呢款蛋糕!老公都幾有心思呀!雖然平時吵吵架!
但大時大節總放我第一位!
由於呢日好夜先回家!返到屋企啦啦聲食蛋糕!
Anki見到個蛋糕好開心!次次有蛋糕,佢都會好平靜等待媽咪我
係佢隻碟放上蛋糕!!然後好滿足咁食!
雖然蛋糕唔算好好味!不過外表滿分了!
第二日,中秋節正日!我之前就提意我生日上去山頂睇3D館!
係前一星期得知原來生日免費!咁就即係150三個人!好抵呀!
我地大約3點出發!經過有食鬼活動!Anki走入去跑黎跑去!
呢個3D館真係幾多野影架!仲無咩人!
入左去都個幾鐘!之後返返車攞BB凳去餐廳食飯!
呢日老公一早訂左阿甘蝦!
佢無啦啦係車尾攞左紮花出來,叫Anki送比我!
之後幾日Anki耐唔耐就話送花比我,又同我講生日快樂!
真係比佢笑死!見到花就話送比我!
雖然成日都覺花好貴,又放唔耐!但依然收到果刻係好開心!
今次D花好香!真係好鐘意!
阿甘蝦地方都幾窄!但服務都幾好!
而且窗口位好浪漫呀!呢餐真係幾浪漫!
事關第一年同老公拍拖,係尖東行海傍,睇住幻彩咩香江!真係已經唔記得咩名!
呢日,我同佢仲埋女兒係山項睇!而中環又多左摩天輪,
真係幾靚!
野食方面都好好味!而上甜品,老公一早講係慶祝生日!
佢地會要主角起身,接受佢地唱歌同祝福!
咁當然我咁怕醜都幾咁無奈!
好鐘意Anki成日都同我好似咁!佢就係小YUKI!
到走了!行去另一邊睇下有無燈迷,答案係無!
而因覺得夜境好靚,有一對男女主動幫我們影相,
仲影得好漂亮!好多謝你們!
呢日真係好開心!我生日願望好簡單
只想身邊人都過得好!知足常樂!
沒有留言:
張貼留言